陳伯伯的故事

陳伯伯的故事—72歲,患有心臟病和糖尿病

陳伯雖然與家人同住,仍然安裝了平安鐘。

黃姑娘: 當初為什麼使用平安鐘?

陳伯伯: 我本身有心臟病同糖尿病,透過老人中心講座的介紹,知道了平安鐘服務, 覺得很有用,因自己身體有事,老伴年紀大,女兒又要返工,有事時無人幫到手,所以便決定安裝平安鐘,個女都好贊同,等大家都可以安心些…….

黃姑娘: 你覺得999和平安鐘有沒有什麼分別?

陳伯伯: 當然有啦,打999又要講地址又要講是什麼事,當緊急情況時,都唔記得啦,但平安鐘只要按一下就知道我嘅資料,立即幫我召喚救護車,又快又妥當 ……

黃姑娘: 平安鐘在你們的日常生活中還有什麼幫助?

陳伯伯: 當然有,好似打電話預約門診,唔駛我地時常按錯掣,約唔到期,令我好煩躁。原來平安鐘可以幫我預約,真係方便好多……

陳婆婆: 裝了平安鐘,照顧佢(陳伯伯)無咁大壓力,有時落街買都可以放心些,不用急住回家。加上,自己的身體也開始差,有個平安鐘,連我也可以照顧到…..

黃姑娘: 你會推薦給什麼人使用?

陳伯伯: 無論獨居或同家人住嘅老人家都應該安裝平安鐘,我自己用過覺得個平安鐘真的非常有用,好幫得手,每個月交小小費用就有全面的保障,保障到我哋的生活,好值得架…….